بنساك

قلت انسني أكــيد أنا الآن بنسـاك

                 بمسحك من عــقلي ودنيا غــرامي

مادام أنا ما خــطيت ومنايه أرضـاك

                ازعــل على كيفك عسـاك العــدامي

لا تجيب طــاريه ولا أجـيب طرياك

                خلاص عـقب الـيوم انــس احـترامي

كنت أحسبك طفل أداريك و أرعــاك

               رح في سبـيلك حـان وقت الفـطــامي

رح ما أبي شـوفـك من الآن ماابغاك

                    أبـيك تنـساني وتنـسـى كــلامي

لا واحسايف ضاع وقتي وأنا أهـواك

                 لا واحـسـايف كنـت مـصـدر هيامي

كنت أحسبك طيري ابرسلك وانـخاك

                  وصرت الغراب آلي على الـراس حامي

سـلمت قـلبي واثـقٍ بـك بيمـناك

ويا للأسـف صـار الأمـين الحرامـي