معقول
معقول أبدل شمس هالكون بسراج
ظلماك والـذكرى ولا نور غـيرك
اذكرك بفراشي وكني علـى صـاج
حـر الفـراق ولا يخونك عشـيرك
يجيبني قلبً مـن الشـوق وهـاج
يبي دفـاك وخـايف مـن هجيرك
جتك المشاعر كنها وفـود حـجاج
تعـوذ من شـرك وتطمـع بخيرك
اسوقها يمكن بعـد صبري إفـراج
بسـوقها لرضاك وانـت و ضميرك
ياصـاحبي يكـفي معاذير واحـراج
الله مــــن شـي بقـــبي يجــــــيرك
اثر النسا من ضلع مـايل ومنـعاج
وشلـون اعـدلـها وقلبي كـــــسـيرك
متى يجي في داخـل عيونك خـلاج
وارتاح واعرف اولك مـن أخـيرك
العشق يذبح صاحبه مـاله عـلاج
قلبي بيبقى طـول عـمره اسـيرك
اشتاق لك وأبقى حبيبي لك احـتاج
أصلا أنا من لي بها الكون غـيرك
سعـــــود بن حســـــين الســــبيعي
صفحة القصائد |
