|
المراجل
ما
كـل من ربى شنــب قيـل رجـال
وماكـــل رجــال
نصيتــه لك يقـــوم
وماكـل من هـاز المراجـل لهـا نـال
وماكــل عيب يمسح بحبـه خشــــوم
مليــت يا دنيــا من القيــل والقـال
وإذا بغيت الفعــل تظهــــر لي علــوم
لي صاحب بالأمس يشكى لي الحـــال
وقبـل اخدمه يحرم عـلى
عيني النـــوم
واليوم جيتــه قدم العــذر فالحــال
كنــه من أفعـال الرجاجيــل محــروم
متسـتر في لبســه شمــاغ وعقـال
يضن
عيبــه يســتره لبــس وهـــدوم
عيب وعليــه شهـود يمشي من خبال
قــوي عين ما عـرف عيــب
وسلــوم
لاواحسـافه ما زرعـــناه برمــال
لاواحســـافه نزرع الطــيب برخــوم
غلطـان كــنت أرز للعـوزه حبـال
أضنهم في لطمت العــايل سهـــــوم
ماهمــني غلطت سفيــه ومحــتال
ربيتني ياشــايب ســـاد في قــــوم
اتعب على والنعـــم لو تدفع المـال
الصيت لا تتعب على طلبتــــه يــوم
للمر جلــه عزوه وللخيــل خيـال
والحـر مايسكن خرابـــه مع البـــوم
ماكــل من ربى شنب قيــل رجــال
وماكـــل رجــال الاجيتــه يقــــوم
وماكـل من هــاز المراجــل لهـا نـال
وما كــل عـيب يمسح بحـبه خشــوم
سعـــــود بن حســـــين الســــبيعي
صفحة القصائد |
