يوميَّآتكمْ فرح / سعآدهْ ..,

" دالياَ " يسلم يدتسْ علىَ الموضوعْ الخفيف : ) .,

" نكلسْ " يسلمتس ربيْ علىَ الدعوهْ

إقتبآس :

وَ لتس هالشيْ , بسم اللهْ :

اَليوم خميسْ طبعاً يوم غير عاديْ بقوهْ , نمتْ البارح علىَ الساعهْ 12 تقريباً وماَ صحيت اليوم إلاَّ

الساعه 30 : 1 الظهر وَ يارب أغفر لي فاتتني صلاة الفجر عن لاَ أصليها بوقتها وَ السبب إنه يوم

الأربعاء داومت للجامعه و أنا مانمتْ إلا ساعتين , ورجعت منها على الساعه ثلاث و خمس الظهر

ومانمت على طول أنتظرت العصر يأذن عقب صليت وَ نمت و صحيت على المغرب و جلست للساعه

12 عاد , عشان كذا أحس ماشبعت نوم و نمت هالنومه الطويله

المهمْ عقب ماصحيت وَ صليتْ الفجر + الظهر , علىَ طول نزلت أعملْ لي أكل لقيت إن البيت ماشاء الله

صاحين من الساعه تسع الصبح , وَ كوني أعمل فطور لي بهالوقت ماله سنع علىَ قولة الوالد نازله بسرعه بلحيل وقابلته بالصاله يقول من هو

يلحق وراتس يابنت , قلت أبد مير الجوع ومايسوي , بسوي لي فطور قال فطور بهالوقت ماله سنع

المهمْ قابلت الوالده بالمطبخ هي و الخدامه يجهزون الغدآ و الوالدهْ تقولي لا تاكلين شي ثواني وَ بنحطه

, مير أنا مااحب آكل شي ثقيل أول ماأصحى من النوم وفوق ذا جوعانه بلحيل

فعملت لي إندوميْ وَ كوبْ شايْ << الوالده تناظر فيني وَ تقول وشلون جمعتيها مع بعض الله يديم النعمه

المهم أفطرت على قولتي بالإندوميْ و الشايْ و لما حطوا الغدآ تغديت مير مب مره , لأن ماله مكان

على قولتهمْ عقب الغدآ جلست مع أهلي أسولف وَ أتفرج بالتلفزيون لحد آذان العصر , صليت وَ عقب تجهزت لأن ثنتين

من جاراتنا بيزورونا ولزوم أقابلهن وَ عقب ماجوا سلمت عليهن و جلست شويات وَ علىَ الساعه

خمس وَ ثلث قمت من عندهن ودخلت للمنتدى لقيت تنبيهات لي وحده منها دعوه من " نكلس " لزيارتي

للموضوع ذا وعقب ماشفته قلت بالأول بروح لموضوع السجن الأدبي أدفع كفالتي بوه , والحمدلله

دفعت الكفاله وَ سجنت " مبسم القلب " وَ عقب نزلت للضيوف مره ثانيه وَ جلست شويات كمان والحين

قمت من عندهم عشان أسجل رد بذا الموضوع

وَ وبس ذي تفاصيل يومي اللي عشتها للحينْ ,

ومره ثانيه يسلمو داليا موضوع يكسر الروتين بجد

/

,

اللي بعديْ " ترف أنثىَ " ..,