قلي عـــلامـــك تجرح القلب يـــازين
هــــانت عليك اليـــوم قلبي تبــيعه

لا وحسايــف بس حبــك من سنين
لا وحسايــــف كــــان حــبـــك خــديعه

الين مـــاذقــنا من الجـــرح جرحين
وشفنا حــياتك بـــالمــحبه فـظــيعه

من علمك بالحب (( خان المحبين ))
ليه الـــهــجـــر يابنت ليه القــطـيعه

الحــــب ماهــو بس كلمه بحـرفين
الحــــب ماهـــو راي يمكن تطــيعه

الحــــب بلوه وأكثر النــاس داريين
وياكم جرحن صـــعب والله نــذيعه

الحــــب كاسٍ كـــان ودك تــذوقين
سكــرة غلا ماهي بسكره شنيعه

والحــب دمعه تشتكي داخل العين
والـــخـــد يسقي بالمــفارق ربيعه

يابنت جيتي من جروحــك تصيحيين
وجيت أحظنك في يوم ظاقـت وسيعه

واليـــوم ياكافي على الجـرح تقويين
ماكنت أظنك في جـــروحي شجيعه

هــذا الجـــزاء يـــابنت هانتبك الحين
أشـــوف جرحي صار عندك طبــيعه

والله لـــو الي خـلــقنا من الــطــين
لاقــطـــعك لاكـــان ذبــحــك شريعه

الله مــعـــك لاكــــان ودك تـــروحيين
ومن باعــــنا يــــاناس والله نــبــيــعـه