صرنا نتكلـم مـع بعـض بالدقايـق......... والا قبل ..؟ ناخذ مـن الليـل كلـه
كنـا نمـد مـن الخيـال الحقـايـق......... ما نعرف اش تعني الحياة الممله ..؟
كانـت سوالفنـا لهـا البـال رايـق........... مـا ننتظـر مـن بعضنـا أي زلـه
واليوم أشوفك منـت للحـال طايـق....... منت بطبيعي .. داخلـك ألـف علـه
وشفيـك صايـر تنفعـل واتضايـق............ اللي مضيـق خاطـرك أنـت خلـه
لو كنت أنا اللي مضايقـك بالخلايـق......... قلها : ( فمـان الله ) و دربـك تدلـه
وكانك تحس من بيننا انسان عايق ..؟........ احساسك أشهد ما صـدق معـك والله
لو تفتح الخافـق وفيـه اتهايـق ..؟............ تشوف زولك مـا معـه غيـر ظلـه
ارتاح كان انك مـن الشـك ضايـق............الدمـع لا تسمـح لعيـنـك تهـلـه
الحزن ما هو فـي ملامحـك لايـق........... احجاجك اللـي منعقـد ضيـق فلـه
قرب و اخـذ منـي كـلام الوثايـق ........... ومن مر قدامك علـى الـدرب قلـه
ان انت حلمـي بيـن كـل الخلايـق......... ما غير حبك ساكـن القلـب والله ..!
« آخـــر الـــمـــشـــاركــــات »
منذ /01-27-2012, 10:08 PM
صرنا نتكلم مع بعض بالدقايق.. 
نواااره 
العرض العادي
