اولا .. انا سبق لي اني جاوبت عليها في منتدي ثاني
يعني لاتشوفون تشابه في الاجابات علي بالكم ناقله
واشكرا الغاليه دلوعه علي اختيارها لي



1- مكان الميلاد أين كان؟
بالغربية << تقلد اهل الشرقيه هع

2 - حياة الطفوله من كان المؤثر الأول بها؟
ابوي الله يرحمة ويغفر له .. واخواني الله يخليهم لي
3 - موقف من الطفوله مازال عالق في ذهنكـ؟
اممممم كثير .. بس تري انا معاناه يوم كنت صغيره .. دايم يهاوشوني البنات صاحباتي وبنات خالتي.. وانا وربي مودبه واحبهم
واتذكر منهم .. كنت برمضان يوديني اخوي لخالتي بعد التراويح ويرجع ياخذني الساعه وحده
المهم توني داخله وابي اللعب ونقول يافاتح .. وبدينا نلعب الا مدري وش تهاوشنا عليه اتذكر شئ بسيط.. وقالوا مايبون يلعبون معي رحت مسكينه بالزاويه اناظر فيهم وهم يلعبون وعلي هالحال الى الساعه 1 ماتصدقون وش كثر فرحتي يوم قالوا اخوك جاء يؤ يؤ رحت لبيتنا وحلفت ما ارجع لهم .. بس اشكرهم من اعماق قلبي .. احسهم قووا شخصيتي ^_^
4 - هل كان يوجد معامله مختلفه لاخوانك الذكورعن البنات؟
لا مو مره متساويه .. بس ابوي مميزني عن اخواني الباقين >> اخر العنقود
5 - اليوم الدراسي الأول هل تتذكري حالكـ فيه؟
اي .. كان عادي جدا

6 - عبث الطفوله كيف تصفينه في بضع كلمات؟
روووووعه وقمة البرئيه.. وعشتها بالطول والعرض وخصوصا في عالمي الصغير بين اهلي
7 - أصدقاء الطفوله هل مازلوا على تواصل؟
يب كثير .. وعلاقتي قوية مع بنت خالتي هي الوحيده الى بقت منهم فديتها مادري بدونها كيف بكون
وميمي توام روحي .. من الابتدائي



1 - أول مرة تضعين ميك اب في اي سن ؟
ثالث ثانوي .. بزواج اختي الكبيره ^_^
2 - هل حآولتي أن تقودي سيارهـ ؟
لا .. ولا ابي احاول >>اخاف منها
3 - مرحلة المراهقه كيف كان تعامل الأهل فيها؟
فديت اهلي .. معاملتهم رائعه
4 - غالباً مايكون الحب الأول في مرحلة المراهقه فكيف تصفينه إن وجـــد؟
انا الصراحه مدري متى وقت المراهقه ^_^>>بالمتوسطه ..صح؟
وغير ما ادري ان فيه شئ اسمه حب الا بالمسلسلات ..>>برئيه
5 - إلى ماذا كنت تطمحين وهل وصلتِ لطموحكـ؟
ايه .. كنت اعشق الحاسب من رابع ابتدائي
وكان حلمي ادخل كلية الحاسبات .. وانا الان فيها .. بفضل الله
6 - عنفوان المراهقه مالذي تبقى منه اليوم في ذاكـرتكـِ؟
اممممم . السؤال صعب هع
بس انا من دخلت المتوسط صرت عكس الابتدائي تماما
صارت لي شخصيه >>طلعوا قلبي بنات الابتدائي
فكنت ما اغلط علي احد بس ياويل الى يغلط علي



1 - كيف هي نظرتكـ للحياة اليوم؟
متفائله جدا ..
2 - كيف هي حياتكـ بعد الزواج وتحقيق حلم الأمومه؟
وي ,, باقي ياقلبي
3 - هل وجدت حلاوة المسؤليه مابين واجباتكـ العملية والعائليه؟
اذا جربت راح اعطيك خبر.. بس تري اخاف من المسؤوليه
4 - هل ستربي أبنائكـ بنفس أسلوب تربية والديكـ لكـ؟
نفسها .. راح اربيهم علي الاخذ والاعطاء علي التفاهم
اكون صاحبتهم قبل اكون امهم
هذي هي تربية اهلي لي
5 - ماأكثر مايشغلكـ تفكيركـ في ظل مرحلة النضج؟
اقولك ماتقولين لاحد
اكمل حلمي .. دراستي بالحاسب الالي
وامممم >>مستحيه
والحلم الابيض



1 - الرجلـ ماذا يعني وجودهــــ في حياتكـ اليوم؟
كل حياتي
2 - من هي الشخصية الرجاليهـ التي تعجبكـ؟
بعد الرسول علي الصلاه والسلام .. ابوي الله يرحمة
3 - من هي المرأهـ التي تــود ين أن تكون قدوة لكل نساء الأرض؟
امي واختي الكبيره .. شخصيتهم قريبه من بعض حيل
4 - بعد الأخلاق الحسنة ماأكثر مايلفت انتباهكـ في الرجل شكلاً؟
طوله ويدينه
5 - مارأيكـ بالرجل الذي اهتمامته كمتابعة الموضه والازياء؟
مايعجبني ^_^ ..
الا اذا بستفيد منه في هذا الامور >>صاحبتي صار هع

6 - خانكـ آدم فأصبحتِ مابين المنصدم والمنتقم كيف ستكون ردة فعلكـ؟
ردت فعلي اكيد بتكون قويه .. راح اقول حسبي الله ونعم الوكيل
وربي ينتقم منه

هذا اذا كنت مو مقصره معه اما اذا كنت مقصره عادي ياخذ راحته >>نصابه هع
7 - بيت شعر تهديه لآدم؟
جاب الزمان أحباب وأبعد لي أحباب
وجاب لي مثلك عزيزٍ وغالي
ما أحدٍ لقلبي بالغلى والوفا طاب
إلا أنت ياللي صرت الأول وتالي
مايوم فيك الظن ياعزوتي خاب
ومايوم قلبي من جروحك شكالي


8 - كلمة توجهينها لآدم سواء كانت الأب او الزوج أوالاخ ؟
الاب .. الله يجمعني معك في الفردوس الاعلي .. >>مشتاقه لك
الاخ .. الزوج موجود والولد مولود والاخ مفقود .. الله لا يحرمني منك ولا اذوق يوم فراقك
الزوج .. حلمي الابيض >>انا جالسه علي عتبة بيتنا انتظرك >>لا ياشيخه ههههه
وكلمه جماعيه لهم .. مالي غني عنكم ..انا بدونكم ولا شئ

آخـــرـر ســؤآل وأهمــهــآ ...
في كم سؤال من الأسئلـــهـ جاملتي ... كذبتي ... واذكري هالأسئلــهـ << مافيهـ احرااج

سؤال مكان الميلاد ^_^>>لفيت ودرت فيه بس
وسؤال ( كيف هي نظرتكـ للحياة اليوم؟ )
متفائله فعلا .. بس احيان اشوفها العكس و خايفه من المستقبل

وبكذا ماجاملت ولا كذبت
انا صريحه جدا

تسلمين حبيبتي علي اختيارك .. واتحتي الفرصه لي اسولف شوي عن نفسي عشان تعرفوني