قائدة جيوش العالم


اشكرك على اختياري



قصيده رائعه جدآ



ان شاء الله تكون كفيله




.



خذني معك لآجيت ترحل عن الناس
مالـي بعـد فرقـاك بالناس غالي

أنت الوحيد اللي معه عشت الاحساس
وانت الوحيد اللي لـه ارتـاح بالي

من بعد فرقانا غلب صبري الياس
مالي على الفـرقا صبر وإحتمالي

أذكر ويسقيني حنيني من الكاس
وانسى ولا ينسى ضميري سؤالي

عن غيبتك وأسباب حزني والاتعاس
وظلم السنين وجـور سود الليالي

بعد الغروب وقبل لحظات الادماس
يبدا مع اسـراب الهمـوم إرتحالي

تخنقني العبرات وتضيق الانفاس
واصبح وحـيد بديرتي وإنعزالي

بعدك عرفت إن الغلا ماله قياس
وبعدك عجزت اعيش يومي لحالي

وبعدك عرفت الفرق ياعقد الالماس
بين الشعور الواقعـي والخـيالي

غلاك في كفّه وفي كفّه الناس
غالي ليامن غبت وإن جيت غالي