هذي يا جماعة الخير هوشة صارت بين برج الفيصلية وبرج

المملكة والي مرتزات في طريق الملك فهد بالرياض ...

وهذا هو الحوار الي صار بينهن وتعالوا نشوف وش السالفة....

*
*

برج الفيصلية : انتي يالدبا .. اقول يالدبا

برج المملكة : خير يالعصلا وش تبين

الفيصلية : اقول وراك ترتفعين واجد وتطلطلين علي عيب خليك بحالك..... وعععع كششش

عليك

المملكة : يؤ .. وش دخلك انتي يالعصلا .. انتي ماتعرفين النظام ,, والا غايره ....

الفيصلية : قالت ايش قالت غايرة .. روحي بس روحي .. وش اغار منه تكفين .. على ... سمنك

وإلا على جثالتك .

المملكة : لالا والله .. اسمع اسمع مره ثانية .. ايييه ياخيتي جثله ... الناس يحبون الجسم

الزين اجل عصله .

الفيصلية : انا جسمي الحمد لله زين ورشيقة منيب دبا

المملكة : روحي تكفين شوفي وجهك بالمراية .. انتي وها لصعرور الي براسك كنه ... صلعة

راس هندي زعلان عليه ابوه ومالقى شغل، الصعرور هو المطعم الدائري الى في اعلى البرج

الفيصلية : لا ياشيخة هذا مطعم يالقرويه وش عرفك بالزين الناس تجلس تاكل وتتفرج على

الرياض كله ... وع عشتوا .

المملكة : عشتوا .. عشتوا .. بغيت اجيب لك دبوس انفشه حسبته صعرور يا وخيتي .

الفيصلية : روح بس انتي وقرونك الي طالعات تقل مشافيح يدورون لهم على رزق

المملكة : قرون .. قولي قولي .. قرون ياشين القراوه بس اذا تمدنوا .. هذولي .. برجين اعلى

برجين في المملكه كلها .

الفيصلية : عشتوا .. اقول يالقديمة وراك حاطة طوق فوق راسك .. تمدني الله يعفيك

فشلتيني ... حاطه طوق وين الناس .

المملكة : طوق وعععععععععع ياشين اللي يحتكون هذا جسر معلق يمشون عليه الناس . يربط

بين البرجين قالت طوق كشششششش عليك ... يا حسرة

الفيصلية : اقول ... تعالي شوفي الناس عندي كنهم رز في كل ركن فيني منتشرين .....

يالغايره .

المملكة : طيب .. اصبري شوي .. كلها كم شهر واسحب هالعالم منك وتبحلين بعمرك ....

تهفين الذبان .

الفيصلية : عشتوا ... اهف الذبان ليه وش قالوا لك سوق اوشيقر ياوخيه

المملكة : لالا مو قصدي بس ابي اسحب هالعالم منك .

الفيصلية : ياليتك تفتحين وتريحيني من هالزحمات والله .

المملكة : ان شاء الله قريب بس لاتواخذيني يا وخيتي اذا اخطيت عليك وقمت اتطلطل ترا انتي

تعرفين شفاحة الحريم .. ابشوف وش احط للناس اذا جوني ... وتعرفين عرسنا وافتتاحنا قريب

انشاءالله
الفيصلية : هاااو وش دعوا ياحافظ ازعل .. الا والله شكلك حلو ومميز .. انا من زمان ادور

لولدي عروس هههههههه عاد اتغشمر معك ...

المملكة : هذي الساعة المباركة الي شرفتينا فيها

الفيصلية : لا وش دعوا انتي ماشاء الله عليك حلوه وكل واحد يتمناك له .

المملكة : لا وش دعوا .. انتي جميلة ورشيقة وطالعة وش ملحك في الليل مغير اتمحلق فيك

كل ليلة ...

الفيصلية : الا مير هذي الساعة المباركه الي جمعتنا سوا جارات والله انك مملحة الطريق

ومملحة الرياض كله .

المملكة : ماعليك زود العين ماتعلى على الحاجب انتي الكبيرة ولك الاحترام

الفيصلية : يالله ياوخيتي استري ماواجهتي ... ترا الدعوة مزح وضحك .. مالي الا الله ثم انتي

في هالطريق هالحين ... اوسع صدري معها ...

المملكة : لا وش دعوا ماواجهني الا الخير يالله مع السلامه جوني العمال يبون يركبون

السقاله على رقبتي بيرفعون البرج خليني اتغطى ...

الفيصلية : يالله في حفظ الله وانا بعد جانا الليل ابروح اولع الانور علشان تشوفني الطيارات

لاتجي وحده وتصبخني مع جبهتي .. انتبهي وانا اختك ولعي اللمبات في الليل علشان هالطيارات

تنتبه تراك عاليه بالحيل اسم الله عليك

المملكة : تسلمين والله يالغالية .. ابشري

واخيرا تصالحوا وتحابوا وجلسوا يتحاورون كل يوم جارات وش علينا بعد