حبيت أضيف موضوع جديد او فكره جديده وما لقيت الا هذا الفكره موضوع جميل وخفيف ويا ريت الجميع يشارك فيها
نقوم باستضافة سفير يحكي لنا عن مسار يومه منئذ ان يصحوصباحاً حتي يحل الليل وينام يتحدث بحرية تامه وأسلوب عفوي لكي نتعرف علي بعضنا أكثر ونتحرر من قيود المواضيع الرتيئبه باسلوب فيه بعض المرح والانطلاق ثم بعد ان ينتهي يقوم هو شخصياً باختيار سفير اٌخر ليحكي لنا عن تفاصيل يومه وكيف يقضيه طبعاً كل عضو نختاره ويتكلم عن نفسه بعد ان ينتهي يختار هو العضو الذي يليه وهكـــــــــــــــــــــــــــــــذا وطبعاً انا الذي بابداء أمممممممممممم أختار اول شخص يدخل ويقراء موضوعي ياتري مـــــــــــــــــــن هـــــــــــــــــو؟؟؟؟؟
التعديل الأخير تم بواسطة داليا ; 03-28-2010 الساعة 11:49 PM
بسم الله الرحمن الرحيم
السلام عليكم ورحمة الله وبركاته
انا اول عضو دخلت الموضوع وبحور العضو الصامت
فكرتك روعه اختي داليا
بدخل بالموضوع على طول
بديت يومي الساعه 8 الصباح قمت من نومي
ورحت للدوام والحمد لله نعمه مايقدرها الا الي عاش بزحمة الرياض
قريب من بعضة الدمام ورحت للدوام ودخلت وقعت وبعدها سيده فتحت الجهاز وتابعت
ردود تهمني بالمنتدى والبعض رديت عليه والبعض اكتفيت بمتعة المشاهدهـ
وبعدها افطرت وتقهويت وبعدين بداء عندي الشغل علىى الساعه 10 وسويت كذا شغل عندي
والباقي قلت بكره لان الشغل مايخلص ومهما سويت ماينتهي هالشغل سبحان الله كل ماتبي تخلصه يكثر
وبعدها جت صلاة الضهر صليت وعزمني واحد من الشباب على الشاهي وهو من اهل الغربيه جايب منتو وماشاء الله عليه
عزم كذا واحد ماخذيت الا وحده << مدري وش هاليوم الي تقوله ياولد اختصر
بعدها رجعت سويت كذا شغل وبعدين دخلت المنتدى ورديت على موضوع بمجلس القصيد
وبعدها كملت شغل لين الساعه 2 ونص وبعدها وقفنا عند الكمبيوتر حق الانصراف نحتري الوقت يخلص نوقع
وقت ومريت مطعم تغديت انا ومعي ثنين من الشباب ورجعت للبيت وفتحت المنتدى وانا ابي ارد على موضوعك لاني شفته الصبح مافيه ردود وطبيت فيه وهذا يومي
يمكن فيه تفاصيل اكثر بس ماتوقع تهمك كثير اهم شي قدرت ابداء الموضوع والله الحمد
بختار مبسم القلب لاني متاكد ماراح تفشلني وبترد
فيه اعضاء ودي احطهم بس ثقلت عليهم طلبات يعرفون نفسهم
ننتظر يومك يامبسم
الحين بحط بملفها الرابط عشان ترد
أولاً : حبيت أشكرك على الدعوة خيوو سعد و منو يقدر يردك
ثانياُ : أبدا بيومي الحلو
صحيت الساعة 5 ونص على صلاة الفجر صليت ومن بعدها سيييييدة للجهاز أبي أشوف المودم ( ياكرهي له ) خرب أمس وأرتفع ضغطي لو أمس كسرته والله حلال فيه .. طبعاً مثل مكان عليه أمس عصبت وقفلت الجهاز وبعدها كملت نووم إلى الساعة 7 وربع بعدها صحيت تجهزت ورحت للجامعة وصلت على الدقايق الأخيرة قبل ماتدخل الأستاذة ( الحمد لله) خلصت المحاضرة 9 تمام وأخذت ساعة كاملة راحة وألعب بجوالي الكشاااف ( ياخي رهيب من يشترية ) هع هع .. الله يخلي هالجامعة
بعدها بدت المحاضرة الثانية طلعت الساعة 11ونص نمت نوم في هالمحاضرة ( قرقر ماتسكت شوي تبلع ريقها )..
خلصت وجانا خبر ألغاء المحاضرة إلي من 1-2 سويت عرس طبعاً أتصلت على بابا وقلت تعال ( كان معصب ) ماألومه كل مرة جايبة له قصة مع هالمودم ...
وصلت على اني أشووف المودم شنو صار فيه وربي ستر قسم ستر لانو بابا حالف يفصلة اذا جلس كذا المودم صلح مدري كيف !!! تفشلت لايفكر بابا أني كذابه
دخلت المنتدى رديت على رسالة ....
وبعدها نزلت أسوي غداء ( قسم نشبة ) وبعدها صليت الظهر رجعت على المنتدى رديت على بعض المواضيع
ورسلت رسالة زوار إلي 2 من خواتي
ودخلت موضوعي في الركن الهادىء وأضفت أشياء ....
العصر كان حافل بالمعلومات خذت الكتاب ورحت أذاكر ( من الفلاحة )
المغرب ذاكرت لأخوي وبعدها خليت أخواني الصغار يتعشوون وناموا .
أول شي يسلم ديااتك دااليا وثاني شي ياادوووبة يامبسم ..
يومي مافي شي مهم لأنه يوم في حيااة عاطلة
صحيت الساعة 10 الصباح مع إني كنت نايمة الساعة 7 برضو الصبااح..
فطرت بابا حبيبي كان متأخر على دواامه..
وبعدها سويت لي كم شغلة بالبيت صارت يمكن 12 الا شوي دخلت النت لفة سريعة ودخلت للمنتدى ضمن اللفة ماطولت شوية صغننة لأن ماما خاصمتني وقالت لي ارحمي نفسك ،، مدري ايش بينها وبين اللاب توب !!؟؟
بعدها قفلت وقمت صليت الظهر ورحت نمت من الساعة 1 إلى الساعة 4 ونص العصر <<نومي زي وجهي ادري
صليت العصر وسويت لي كم شغلة ..
ورجعت للنت ودخلت لركني اللي صرت أمووت عليه
وبعدها طلعت أصلي المغرب وشفت توومة خاانوم أختي الصغننة كانت بدها استشور لها شعرها سويته لها، وذاكرت لها عندها اختبار انجلش..
وامممممم شو كماان أذن العشا صليت وضاع باقي يومي بتفااصيل مختلفة مو كتير مهمة ..
فكرة حلوة ياداليا وتسلمين ياحبني لك على الدعوة يومي تقريبا عادي معمعة كل صبح اصحى لا تصحى ,نصحّي من مكان ونلاقي الواحد منسدح بمكان ثاني مانستقر في السيارة الا راسي وارم من العيال الله يهديهم ويصلح بالهم طبعا أنا اليوم كنت مصدعة فرحت على المكتب على طول يعني ماطلعت زيارة ميدانية مع إن الزيارات الخارجية تعطيني فرصة أكون في البيت الساعة عشر ونصف بالكثير الساعة 11 ( يومين بالاسبوع بس ) << ياطول دوام المكتب المهم طلعت الساعة وحدة ونصف وأمر مدرسة البنات أول ولازم من اللطعة ربع ساعة أوأكثر ويزعلون أحيانا ليه جايه بدري ماخلصنا لعب وبعدين نروح مدرسة سي السيد وموال كل يوم ليه جايين كلكم خلو السواق يوصلكم وبعدين يجيني لحاله << مدرسته على الطريق الله لوشفتوه وهو بصف أول وثاني كان كل يوم يبكي ويقول ليه ماتجين تاخذيني أنت بالسيارة مش السواق لأنه يشوف معظم أصحابه أمهاتهم يسوقون وهم اللي يجون ياخذونهم , طبعا الآن تغير الوضع و يقول أنتِ آخر وحدة بتسوقين في السعودية << لا تعليق المهم أنا ماأطبخ الغدا الا في اليومين اللي أطلع فيهم من الدوام بدري يعني اليوم ماطبخت << الله يخلي العاملة بعد الدوام اليوم دخلت المنتدى وسجلت ردين فقط وشفت الدعوة لكن ماكان فيه أمل إني أكتب في ذاك الوقت قلت بالليل إن شاء الله بعد الغدا درسنا شوي والمفروض إني أروح بيت أهلي أقعد شوي معاهم لكن اليوم الثلاثاء عندنا دورية ولأني من فترة مارحت كانوا الزميلات ملزمين عليّ أجي ولازم قبل أطلع أكون عشيت الحلوين ونومتهم لأني لو طلعت وهم صاحين ممكن أرجع وهم لسى ماناموا << فرصة سهرة طلعت من البيت الساعة ثمانية ونصف والله انبسطت كثير فيه زميلات من زمان عنهم الله يخلي اللي جمعتنا ورجعت الساعة 11ونصف وبس طبعا هذي حكاية اليوم فقط لكن اذا ماعندي طلعة أكون بالبيت عادي لأني بيتوتية بشكل كبير ياتلفزيون يالمنتدى من تالي وسلامتكم كني طولت عليكم المهم اختار من بعدي أميرة الفوج
« آخـــر الـــمـــشـــاركــــات »
منذ /03-28-2010, 11:44 PM
يوم في حياة سفير 
داليا 
وبعدين بداء عندي الشغل علىى الساعه 10 وسويت كذا شغل عندي
.gif){kind=icon}
ومالي نفس اقووم اصلا
؟!
العرض العادي
